Umabot na sa 55 tripulanteng filipino ang naka-alis mula sa Ukraine.
Kabilang sa mga nadagdag ang 29 na Pinoy na tumawid sa Ukrainian border patungong Bucharest, Romania.
Sinalubong ang mga tripulanteng Pinoy ng mga opisyal ng Department of Foreign Affairs (DFA) mula sa Philippine Embassy sa Bucharest.
Binubuo ang repatriate ng dalawampung pinoy crew members ng MV Global Aglaia, dalawa mula sa MV Joseph Schulte at pito mula sa MV Star Helena.
Umalis ng Ukraine ang mga mandaragat sa pamamagitan ng pagtawid sa Moldova sa tulong ng Philippine Honorary Consulate sa Chisinau at Philippine Embassy sa Budapest, Hungary.
