Nakatanggap ng tulong mula sa lokal na pamahalaan ng Las Piñas ang walumpung pamilya o katumbas ng tatlong daan at limampung indibidwal na nawalan ng tirahan matapos sumiklab ang sunog sa Julius Compound sa barangay Pulang Lupa.
Katuwang ng Las Piñas lgus ang Department Social Welfare and Development (DSWD), kung saan, nagbigay sila ng almusal, tanghalian, at hapunan para sa mga apektado na ngayon ay nananatili parin sa Mapayapa Village covered court.
Bukod pa dito, namahagi din ang lokal na pamahalaan ng family food packs, sapin, kumot, at hygiene kits na pinaka-kailangan ng mga pamilyang nasunugan.
