Walang nakikitang spillover effect ang DTI o Department of Trade and Industry sa magiging general investment climate sa Pilipinas.
Sa harap na rin ito ng mainit na usapin hinggil sa pagmimina partikular na ang banggaan ng mga mining companies at ni Department of Environment and Natural Resources or DENR Secretary Gina Lopez.
Ayon kay DTI Secretary Mon Lopez, kumpiyansa siyang magiging matatag pa rin ang tiwala ng mga negosyante sa bansa sa kabila ng naturang kontrobersiya.
Gayunman, tiwala ang kalihim na hindi dapat masakripisyo ang kalikasan lalo na sa pagsusulong at pagpapalaganap ng negosyo sa bansa kaya’t mahalaga na magkaroon ng paguusap sa pagitan ng mga minero at ng DENR.
By Jaymark Dagala
