Maaari na muling mag-apply ang mga natanggal na empleyado nuong kasagsagan ng Covid-19 pandemic sa Cebu Pacific Airline Company.
Ito ang sinabi ni Felix Lopez, Vice President ng people and admin at Cebu Pacific matapos magtanggal ng ilang cabin crew nuong tumama ang pandemya sa bansa.
Ayon kay Lopez, naghahanda na ang airline para sa posibleng pagtaas ng travel demand dahil sa unti-unti nang binubuksan ang ekonomiya at bumabawi na rin ang sektor ng turismo.
Dahil dito, pinapataas na raw ng airline company ang kanilang network na nagbibigay ng pagkakataon para sa airline na kumuha ng karagdagang cabin crew.
Kasunod na rin ito nang pagluluwag sa mga domestic travel, mas maraming destinasyon na rin ang magbubukas dahil marami na ang fully vaccinated na mga indibidwal.
Sa ngayon, nakamit na rin daw ang 100% vaccination rate para sa active flying crew nito sa pamamagitan ng sarili nitong employee vaccination program o ang JG summit covid protect.