Nakatakdang kasuhan ng National Bureau of Investigation (NBI) sa Department of Justice (DOJ) ang mga nasa likod ng ‘rent-sangla’ vehicle scam sa Marso 10.
Ayon kay National Capital Region Director Cesar Bacani, ito ay bilang pagtalima sa labing limang (15) araw na itinalaga ni DOJ Secretary Vitaliano Aguirre para makapagsumite ng status report sa kanilang isinagawang imbestigasyon.
Ihahain ng NBI ang unang batch ng kaso laban sa mga suspek at maghahabol na lamang ng isa pang batch kung mayroon pang mga suspek ang lulutang.
Aabot sa pitumpu’t dalawang (72) may-ari ng sasakyan ang nagpasaklolo sa NBI matapos na mabiktima ng naturang modus.
By Rianne Briones
