Hinikayat ng Palasyo ang publiko na agad na mag-report sa Department of Trade and Industry (DTI) kung may mga negosyanteng mananamantala ngayong holiday season.
Ayon sa tagapagsalita ng pangulo na si Secretary Harry Roque, sa mga nais magreport o magreklamo mangyaring tumawag sa DTI hotline sa numerong 1-384 o kaya’y mag-email sa consumercare@dti.gov.ph.
Mababatid na may inilabas na suggested retail price (SRP) ang DTI na saklaw ang mga noche buena items gaya ng hamon; fruit cocktail; queso de bola; spaghetti, macaroni, at iba pa.
Kasunod nito, tiniyak ng DTI na wala pang pagtaas sa presyo ng mga noche buena items hanggang December 31, 2020.
