Hindi maaaring hadlangan ng Korte Suprema ang pagsasabatas ng panukalang ibalik ang parusang bitay lalo na sa sandaling maisabatas na ito.
Ayon ito kay House Majority Leader at Ilocos Norte Rep. Rodolfo Fariñas kasunod ng banta ng mga grupong tutol sa death penalty bill na i-aakyat sa high tribunal ang usapin.
Giit ni Fariñas, tungkulin ng mga mahistrado ng Supreme Court na i-interpret ang batas at wala aniya sa kapangyarihan nito ang paki-alaman ito.
Kasunod nito, nagbabala pa si Fariñas sa mga mahistrado ng Korte Suprema na posibleng maharap sa impeachment sakaling kuwesyunin at paki-alaman ang trabaho ng mga mambabatas hinggil sa nasabing panukala.
By: Jaymark Dagala
