Inatasan na ni outgoing Sri Lankan Prime Minister Mahinda Rajapaksa ang mga otoridad na barilin ang sinumang magtatangkang magsagawa ng kilos protesta.
Ayon kay Rajapaksa, posible pang tumaas ang bilang ng mga nasawi dahil sa patuloy na kaguluhan sa pagitan ng mga opisyal at militanteng grupo.
Sinabi ni Rajapaksa na tinangka din ng protesters na pumasok sa kaniyang bahay pero agad itong napigilan ng mga otoridad.
Nabatid na nais umano gayahin ng kanilang pangulo na si President Gotabaya Rajapaksa ang ginawa ng kaniyang kapatid sa pagpapatakbo ng kanilang bansa kung saan, bumagsak ang ekonomiya dahilan ng malawakang kilos protesta.
Nagdeklara na ng state of emergency sa Sri Lanka matapos umabot sa siyam ang bilang ng mga nasawi sa karahasan habang nasa halos 300 protesters naman ang naitalang sugatan.
Sa ngayon, kinondena ng European Union (EU) at United Nations (UN) ang nagaganap na kaguluhan kung saan patuloy na lumulobo ang bilang ng mga nasasawi.