Walang sesyon ang mga senador bukas ika 27 ng Hulyo.
Ito’y dahil imbitado ang mga lider ng Senado sa ipinatawag ni Pangulong Rodrigo Duterte na meeting ng National Security Council na magsisimula bukas ng alas-3 ng hapon.
Kasama sa mga imbitado sa nabanggit na meeting ang Senate President, Senate President Pro Tempore, Majority at Minority Floor Leader gayundin ang Chairman ng Committee on Public Order na si Senador Panfilo Lacson at Chairman ng Committee ON National Defense and Security na si Senador Gringo Honasan.
Dahil dito, sa lunes na magbabalik ang sesyon ng mga Senador.
Samantala, mula sa 39 na Senate Committee, 20 komite na ang nabuo na dahil mayroon ng Chairman, Vice Chairman at mga miyembro.
By: Meann Tanbio
