Makatatanggap ang mga sundalo kay Pangulong Rodrigo Duterte ng “incremental increase” o unti-unting dagdag sa sahod simula sa susunod na buwan.
Sa kanyang pagharap sa mga tauhan ng 7th Infantry Division sa Fort Magsaysay sa Nueva Ecija, sinabi ng Pangulong Duterte na kahit hindi kasali sa kasalukuyang pondo ng gobyerno ang salary increase, inatasan na niya si Budget Secretary Benjamin Diokno na maghanap ng pondo para rito.
Muling tiniyak ng Pangulo na hindi niya pababayaan ang mga sundalo at pulis basta’t gawin lamang ang kanilang trabaho at pagtatanggol sa bansa.
Huwag aniyang matakot ang mga ito sa paggampan sa kanilang tungkulin dahil habang siya ang Presidente ay poprotektahan sila.
Idinadag pa ng Pangulo na hindi man niya ganap na mapasaya ang mga ito, tinitiyak naman niyang magiging komportable ang buhay ng mga ito.
By: Meann Tanbio
