Muling inabisuhan ng Manila Water ang kanilang mga customer sa East Zone ng Metro Manila maging sa ilang bahagi ng Rizal na ipagpatuloy ang pag-iipon ng tubig bilang paghahanda sa ipatutupad na reduced water allocation, simula ngayong araw.
Magsisimula ang pressure reduction 10:00 mamayang gabi hanggang 5:00 kinabukasan ng umaga.
Ang mga apektadong lugar ay ang Makati, Mandaluyong, Marikina partikular sa Barangay industrial Valley Complex, Pasig city, Barangay San Martin de Pores sa Parañaque, malaking bahagi ng Quezon City, San Juan, Taguig, Antipolo, Barangay San Juan, Cainta, Angono at Taytay sa lalawigan ng Rizal.
Posible namang tumagal ng ilang araw ang pressure reduction ng Manila Water.
By: Drew Nacino
