Pinaplantsa na ng mga otoridad sa Thailand ang deportation o pagpapabalik sa Pilipinas sa magkapatid na sina dating Palawan Governor Joel at dating Coron Mayor Mario Reyes.
Inihayag ito ni Asst. Sec. Charles Jose, tagapagsalita ng Department of Foreign Affairs (DFA) kasunod ng pagkakaaresto sa magkapatid na Reyes sa Phuket dahil sa overstaying.
Sinabi ni Jose, kasalukuyang nasa pangangalaga ng Thai Police ang magkapatid habang pinoproseso ang pagpapauwi sa mga ito.
Kabilang ang Reyes brothers sa itinuturing na high five fugitives ng bansa na may dalawang milyong pisong patong sa ulo dahil sa pagpatay sa environmentalist at mamamahayag na si Dr. Gerry Ortega.
By Jaymark Dagala
Photo Credit: Bureau of Immigration
