Hinikayat ni Kabataan Partylist Rep. Sarah Elago ang mga kabataan na magparehistro at gamitin ang kanilang karapatang bumoto sa darating na 2022 national at local elections.
Ayon kay Elago, sa eleksyon ay malayang makapamimili ang mga kabataan ng susunod na lider ng bansa.
Aniya ngayon, higit kailanman ay kailangan ng aktibong partisipasyon ng mga kabataan at mamamayan.
Binigyang diin ni Elago na ang pagpaparehistro ang unang hakbang para sa karapatan sa pagboto at magamit ito sa responsable at matalinong pamimili ng susunod na magiging pinuno ng bansa.
