Ipinaalala ng Private Hospitals Association of the Philippines (PHAPI) sa publiko na agad dalhin sa mga ospital ang mga indibdwal na may hinihinalang kaso ng monkeypox.
Ayon kay PHAPI President Dr. Jose Rene De Grano, hindi kasi maaaring sa bahay lamang mag-isolate dahil posibleng pagmulan ito ng mas maraming kaso.
Mayroon naman aniyang nakalaang isolation facilities sa mga ospital para sa mga kaso ng monkeypox virus maliban sa COVID-19 ward.
Nabatid na nakapagtala ang Department of Health (DOH) ng unang kaso ng naturang virus sa isang pasyente na dumating sa Pilipinas mula sa ibang bansa noong Hulyo 19 na nagpositibo sa sakit nitong Huwebes, Hulyo 28.
Ipinabatid din ng kagawaran na discharge na ang naturang indibdwal at sumasailalim sa strict isolation at home quarantine.
previous post