Sisimulan nang ipamahagi ng Department of Social Welfare and Development (DSWD) ang P500 ayuda kada buwan sa mga mahihirap na pamilya sa katapusan ng buwan.
Ayon kay DSWD spokesperson Director Irene Dumlao, inilabas na nila kasama ang Department of Budget and Management, National Economic and Development Authority at Bangko Sentral ng Pilipinas joint memorandum circular para sa guidelines ng pamamahagi ng buwanang ayuda.
Aniya, isasagawa ito bago pa man matapos ang termino ni Pangulong Rodrigo Duterte.
Dagdag pa niya, target ng nasabing programa na ang nasa 15% ng populasyon ng bansa o katumbas ng 12.4M na mahihirap na pamilya.
Kabilang dito ang nasa ilalim ng Conditional Cash Transfer program, benepisyaryo ng Social Pension program at ilang pamilya na nasa tinutukoy sa DSWD’s National Household Targeting System for Poverty Reduction.