Nanindigan si Volunteers Against Crime and Corruption (VACC) President Arsenio “boy” Evangelista na mga high value convicts ang nagpapatakbo ng New Bilibid Prisons (NBP) at hindi ang mga tauhan ng Bucor o Bureau of Corrections.
Ayon kay Evangelista, hindi lamang mga babae na kung tawagin ay tilapia ang nakapapasok sa piitan, mayroon ding mga kalalakihan na tinatawag namang bangus.
Naaawa na rin si Evangelista sa mga doktor sa NBP dahil tila wala naman silang ibang pagpipilian kung hindi sumunod na lamang sa mga preso.
Naawa ako sa kanila honestly eh, nakaka-awa sila kasi wala silang option to refuse. Kaya minsan natatanggap nalang nila, kasi pag hindi mo tinanggap that means negative ka sa kanila eh. Then, you will create enemies diba? Or maging hostile ka sa kanila. Pag hindi ka nila maabot yung pamilya ng mga doctor ang aabutin. —ani Evangelista sa panayam ng Ratsada Balita
Nakokompromiso na ang Building 14 sa New Bilibid Prisons (NBP).
Ito ay ayon kay Volunteers Against Crime and Corruption (VACC) President Arsenio “Boy” Evangelista.
Ang Building 14 sa NBP ay ang gusali kung saan nakakulong ang mga high valued convicts.
Dagdag pa nito, mayroong umanong chemist na nakalaya sa pamamagitan ng Good Conduct Time Allowance (GCTA).
Aniya, napakarami nang cellphone ang nakukuha sa naturang building at kadalasan ay sinisira ng mga preso o hindi na gumagana ang mga signal jammers.
Yung jammer nilagyan ng asin eh, para masira eh, tapos matagal na palang hindi gumagana yan noong gumagana naman may oras na pinapatay. Sabe nga, dapat meron back-up generator, power supply pag cut off nila aandar pa din. —ani Evangelista sa panayam ng Ratsada Balita