Tiniyak ng Malakanyang na ipapahanap mismo ni Pangulong Rodrigo Duterte ang mga government official na tumatawag umano sa mag-inang Yu Yuk Lai at Diane Uy.
Ang impormasyon hinggil sa sinasabing pagtawag ng misteryosong opisyal ng pamahalaan ay ibinulgar ni PDEA Director Aaron Aquino pero hindi naman pinangalanan.
Ayon kay Presidential Spokesman Harry Roque, garantisadong mananagot kung sino man ang mga opisyal ng gobyerno na dawit sa anggulo ng pang-aarbor.
Tiyak anyang paiimbestigahan ito ni Pangulong Duterte at mabubulgar sa lalong madaling panahon kung sino ang mga dapat papanagutin.
Bukod dito ay may tangka rin umanong bigyan ng pardon si Yu subalit nilinaw ni Roque na malabo at isang halimbawa ito ng “wishful thinking.”
