Nahaharap sa multa ang mga hindi pa nabakunahang indibidwal sa bayan ng Carmen, Agusan Del Norte.
Sa inilabas na Executive Order ni Carmen mayor Jovitte Calo noong Enero 27 sinasabi rito ang mandatory vaccination ng mga miyembro ng nasabing bayan, kabilang ang mga menor-de-edad na may edad 12 hanggang 17.
Sa ilalim ng EO, ang mga hindi nabakunahang residente ay hindi papayagang lumabas ng kanilang mga tahanan maliban upang bumili ng mga mahahalagang produkto at serbisyo.
Habang ang mga lalabag naman ay magmumulta ng 500 hanggang isang libong piso.
Samantala, ipinapatupad ang “No vaccination, No entry” policy sa pinagsanib na checkpoint ng awtoridad, militar at Department of Health (DOH) sa barangay Tagcatong malapit sa boundary ng Agusan Del Norte at Misamis Oriental.—sa panulat ni Airiam Sancho