Naghahanap na ang Maguindanao Provincial Government ng relocation site para sa mga residente nitong naapektuhan ng bagyong Paeng.
Ayon kay Maguindanao Provincial Administrator Atty. Cyrus Torrena, katuwang nila ang mga experts sa paghahanap ng ligtas na lugar para sa mga naapektuhan ng bagyo
Hindi na aniya nila papayagan ang mga apektadong pamilya na bumalik pa sa mga lugar kung saan nagkaruon ng landslide at flashflood.
Sinabi ni Torrena na makikipag pulong sila sa NHA at iba pang ahensya ng gobyerno sa susunod na linggo para humingi ng tulong sa mga taga Maguindanao na karamihan ay nasa evacuation site pa at nakikituloy sa kanilang mga kaanak sa mga ligtas na lugar.
