Binago na ng pamunuan ng MRT-3 ang ipatutupad nitong tigil operasyon sa kani-kanilang mga tren tuwing weekend.
Sa inilabas na kalatas ng MRT3, ang weekend suspension ay gagawin na simula sa:
October 10 at 11;
October 31;
November 1 at 2;
at, November 14 at 15.
Ito’y mula sa dating mga schedule sa weekend ng buwan ng Agosto at Setyembre.
Paliwanag ng MRT3, ang naturang pagbabago sa schedule ay alinsunod sa rekomendasyon ng Sumitomo-MHI-TESP na kanilang maintenance provider.
Dagdag pa nito, layon ng weekend suspension na maipagpatuloy ang ginagawang rail replacement sa buong linya nito.
