Wala pang natatangap na reklamo ang PNP Anti-Cyber Crime Group hinggil sa click bait link na ‘Ikaw ba tong nasa video?’
Sa panayam ng DWIZ, sinabi ni Lt. Col. Jay Guillermo, Spokesperson ng PNP Anti-Cybercrime Group, na madalas naloloko ang mga baguhan sa social media sites at may mga ilang na-i-scam pero hindi naghahain ng reklamo dahil maliit na halaga lamang ang nakukuha sa kanila.
Hindi pa matukoy anya ng PNP kung ano ang pwedeng makuha na impormasyon sa mga naloloko sa pamamagitan ng pag-click sa link na natatangap mula sa Messenger app.
Nagpaalala naman si Guillermo na kumpirmahin muna ang mga messages na matatanggap bago ito i-click. —sa panulat ni Jenn Patrolla
