Iginiit ng Chief Executive Officer ng Rappler na si Maria Ressa na mayruong ‘pattern’ ang pagsasampa ng reklamong cyber libel laban sa kanya.
Sa kanyang pagdalo kanina sa National Bureau of Investigation, sinabi ni Ressa na tila kahina – hinala ang timing ng pagsasampa ng kaso sa kanya ng negosyanteng si Wilfredo Keng kasunod ng pagbawi ng Securities and Exchange Commission sa kanilang registration.
Una rito , pinadalhan ng subpoena ng NBI si Ressa kasama ang isang writer – researcher at isa pang negosyante.
Nag-ugat ang reklamo na isinampa ni Keng nang lumabas sa Rappler ang istorya na pinahihiram ng negosyante ang kaniyang SUV kay dating Chief Justice Renato Corona.
Binigyan naman ng NBI ng sampung araw si Ressa at dalawang iba pa para magsumite ng kanilang tugon sa nasabing reklamo.
