Hindi pa rin dumating sa ikalawang pagdinig sa Land Transportation Office (LTO) ang may-ari ng SUV na sangkot sa pagsagasa sa isang Security guard noong linggo.
Pero ayon sa LTO, itutuloy nila ang pagbibigay ng rekomendasyon laban sa may-ari ng SUV na ipapadala sa Office of Assistant Secretary.
Nabatid na hanggang ngayon, hindi pa malinaw kung ang may-ari ng sasakyan ang nagmamaneho rin ng van na sumagasa sa biktimang si Christian Joseph Floralde.
Nakalabas na ng ospital nitong Huwebes ng gabi si Floralde matapos maratay sa ICU ng ilang araw.
