Maute Terror Group 3 barangay na lang ang hawak sa Marawi

Tiwala si Pangulong Rodrigo Duterte na tuluyan nang mababawi na ng pamahalaan ang Marawi City mula sa Maute Terror Group sa susunod na mga araw.

Sa Mindanao Hour sa Malakanyang, sinabi ni  National Security Adviser Secretary Hermogenes Esperon na lumiit na sa tatlong barangay ang hawak ng  Maute Terror Group.

Dagdag ni Esperon, agad namang ilalarga ang rehabilitasyon sa lungsod pagkatapos ng labanan.

Kaugnay naman sa pagbisita ni Pangulong Duterte sa mga sundalo sa Marawi City, kung saan naging emosyonal ito sinabi ni Esperon na lahat sila ay naging emosyonal nang makita ang lagay ng mga sundalong ipinadala sa bakbakan sa nsabing lungsod.

Aniya, sa tingin rin ni Pangulong Duterte na responsible ito sa sinapit ng mga sundalo lalu pa’t umabot na sa 97 ang nasawi sa bakbakan .

By: Krista de Dios / Aileen Taliping

Comments

comments