Nilinaw ng National Grid Corporation of the Philippines (NGCP) na wala namang problema sa distribusyon ng kuryente sa gitna ng nagbabadyang pagnipis ng power supply sa tag-init.
Ito ang tugon ni NGCP Spokesperson, Atty. Cynthia Alabanza makaraan silang kuwestyunin ni Energy Secretary Alfonso Cusi.
Ayon kay Alabanza, kailangan nila ng mas malaking supply ng kuryente partikular ang ancillary services upang mapanatili ang kalidad at seguridad ng power grid.
Hindi naman anya sa kanila naka-atang bagkus ay sa mga supplier tulad ng mga power plant, ang pagtitiyak kung sapat ang supply ng kuryente sa bansa lalo sa tag-init partikular sa May 9 elections.