Asahan na ang mas mahabang pila sa mga istasyon ng MRT o Metro Rail Transit ngayong araw na ito lalo na tuwing rush hours.
Ito ayon kay DOTr o Department of Transportation Undersecretary Cesar Chavez ay dahil labing pito (17) lamang sa halip na dalawampu (20) ang treng ibinigay ng BURI.
Ang pahayag ay kasunod na rin ng panibagong aberyang naranasan ng MRT commuters kaninang umaga.
Alas-6:57 ng umaga nang pababain ang mga pasahero sa Santolan Station Southbound dahil umano sa service interruption.
Alas-7:18 naman nang muling pababain ang mga pasahero ng MRT sa Shaw dahil sa nasirang tren.
Makalipas lamang ang 20 minuto ay muli namang nagkaaberya ang MRT sa Santolan Station Northbound.
Ito na ang ika-apat na sunod na araw na nakakapagtala ng mga sunod-sunod na aberya ang MRT-3.
—-
