Nakiusap si Senator Bongbong Marcos sa Moro Islamic Libration Front o MILF na totohanin nito ang pangakong hindi maglulunsad ng giyera sakaling hindi maipasa ang orihinal na Bangsamoro Basic Law o BBL.
Sa privilege speech ni Marcos, sinabi nitong handa siyang makinig sa MILF at iba pang mga suhestyon sa BBL na posibleng makatulong sa kanyang gagawing rebisyon sa panukalang batas.
Sa huli ay hinamon ni Marcos ang MILF na patunayan ang sinseridad nito sa usaping pangkapayapaan sa pamamagtan ng pagsusuko sa mga nasa likod ng pagpatay sa SAF 44 sa Mamasapano, Maguindanao.
Matatandaang pinalagan ni Marcos ang kabuuan ng BBL at sinabing maghahain siya substitute bill na naaayon sa Saligang Batas.
By Drew Nacino