Pinabulaanan ng Malacañang na hindi natutugunan ang pangangailangang medical ni dating Pangulong Rodrigo Duterte habang nakakulong ito sa ICC detention center sa The Hague, Netherlands.
Kasunod ito ng pahayag ni Senador Christopher ‘Bong’ Go na ’tila hindi naibibigay ang mga gamot ng dating pangulo dahil nakita aniya sa first appearance nito sa pre-trial chamber ng ICC na nanghihina ang dating pangulo.
Ayon kay Palace Press Officer Undersecretary Claire Castro, opinyon lamang ito ng senador, na hindi rin naman mismo kasama ng dating pangulo.
Mismong mga doktor na aniya ng ICC ang nagpatunay na mentally aware at mentally fit ang dating presidente, habang mayroon ding nakatalagang doktor na nagbabantay sa kalusugan nito.—sa panulat ni Laica Cuevas
