Bukas ang Malakanyang na muling gamitin ang Dengvaxia vaccine para labanan ang paglaganap ng Dengue.
Gayunman, ayon kay Presidential Spokesman Salvador Panelo, kailangang pag aralan at kumpirmahin muna ng mga eksperto kung epektibo at ligtas ang Dengvaxia.
Binigyang diin ni Panelo na laging bukas ang pamahalaan sa kahit anong magbebenepisyo sa mga Pilipino.
Una nang iminungkahit ni Cong. Janet Garin na ibalik ang Dengvaxia sa merkado makaraang magdeklara ng national dengue alert ang Dept. of Health.
