Tinawag na walang batayan at pawang propaganda lamang ang inihaing kaso laban kay Pangulong Rodrigo Duterte sa ICC o International Criminal Court.
Reaksyon ito ng Malakaniyang makaraang ihain na ng abogado ni Edgar Matobato na si Atty. Jude Sabio ang kasong crimes against humanities laban sa Pangulo at iba pang opisyal ng administrasyon.
Ayon kay Presidential Chief Legal Counsel Atty. Salvador Panelo, hindi pasok sa ICC ang crimes against humanity dahil malinaw namang hindi state sponsored ang mga naitatalang patayan kundi kagagawan ng mga sindikato ng iligal na droga.
Kasunod nito, kumpiyansa si Panelo na sa basurahan lamang ang diretso ng isinampang reklamo ni Atty. Sabio dahil ang layunin ng war on drugs ay para protektahan ang susunod na henerasyon ng mga Pilipino.
By: Jaymark Dagala / Aileen Taliping
