Hinamon ng Malakaynang si Senador Antonio Trillanes na patunayan ang alegasyon kay Presidential Son at Davao City Vice-Mayor Paolo Duterte na miyembro ito ng drug triad.
Ito ay matapos magharap sina Trillanes at Duterte sa pagpapatuloy ng imbestigasyon ng Senate Blue Ribbon Committee hinggil sa 6.4 Billion Peso shabu shipment na ipinuslit sa Bureau of Customs mula China.
Ayon kay Presidential Spokesman Ernesto Abella, seryoso ang alegasyon ni Trillanes kay Vice Mayor “pulong” kaya’t kailangang mapatunayan ito sa pamamagitan ng ebidensiya.
Magugunitang hinamon ni Trillanes ang anak ng Pangulo na ilabas ang tattoo umano nito sa likod ebidensiyang miyembro umano ito ng drug triad bagay na tinanggihan ng bise alkalde.
Hindi naman masabi ni Abella kung napanood ni Pangulong Rodrigo Duterte ang imbestigasyon sa Senado pero tiniyak nito na ‘on top of the situation” ang punong ehekutibo sa lahat ng isyu at mga kaganapan sa bansa.
By: Drew Nacino / Aileen Taliping
SMW: RPE
