Tatlong Silver Anvil Awards ang natanggap ng Makati Medical Center (MakatiMed) sa ginanap na 61st Anvil Awards ng Public Relations Society of the Philippines noong Enero 28.
Pinarangalan ang MakatiMed sa programang Gabay 2.0, na nagbibigay ng tuloy-tuloy na mental health support para sa mga empleyado ng ospital.
Nanalo rin ang ospital para sa QR Code Scheduling Program, isang digital system na nagpapadali sa pag-iskedyul ng mga pasyente para sa outpatient procedures.
Ikatlong parangal ang nakuha ng Red Light Project, isang adbokasiya na gumagamit ng pulang ilaw sa gusali ng ospital upang ipaalam sa publiko kung mababa ang suplay ng dugo at hikayatin ang blood donation.
Ayon sa MakatiMed, patunay ang mga parangal sa kanilang patuloy na pagsisikap na paunlarin ang kalusugan ng mga empleyado, pagandahin ang serbisyo sa pasyente, at palakasin ang mga adbokasyang may pakinabang sa komunidad.
