Bumalik na sa Twitter ang dubsmash queen at Eat Bulaga host na si Maine Mendoza matapos mag-deactivate ng mahigit apat na buwan.
Sa kanyang pagbabalik sa Twitter world, pinasalamatan ni Maine ang mga taga-suporta nila ng kanyang on screen partner na si Alden Richards na dumalo sa ikalawang AlDub nation festival kahapon sa SMX Convention Center.
Kasama sa mga itini-weet ni Maine ay ang mga larawan na kuha sa AlDub Nation Festival kung saan kanyang ipinaabot ang kanyang pasasalamat sa kanilang mga fans.
Matatandaang, Hunyo 2 nang sinabi ni Maine na pansamantala muna siyang magde-deactivate sa Twitter para iwasan ang mga nababasang negatibong komento mula sa pag-aaway ng kanyang mga followers sa kapwa fans nito.
Setyembre 29 naman nang ihayag ni Maine na plano niya nang magbalik sa Twitter oras na matapos na ang isa niyang pinagkakaabalahang proyekto.
Thank you very much, AldubNation! Salamat sa suporta at pagmamahal na walang sawa niyong binibigay! ❤ #ADNFestival2017 pic.twitter.com/ZBmfapLxg6
— Maine Mendoza (@mainedcm) October 22, 2017
—-
