Aabot sa 6,224 paaralan at mahigit 3.2 milyong mag-aaral ang naapektuhan ng magnitude 7.8 na lindol at mga kasunod nitong pagyanig sa Mindanao, ayon sa Department of Education (DepEd).
Kasama rin sa mga naapektuhan ang mahigit 128,000 guro at school personnel sa limang rehiyon sa Mindanao.
Dahil dito, sinuspinde ng DepEd ang mga klase sa lahat ng antas sa mga apektadong lugar hanggang sa susunod na abiso upang matiyak ang kaligtasan ng mga estudyante at kawani ng paaralan.
