Aabot sa mahigit 148,000 Pilipino ang kukuha ng Career Service Examination pen and paper test sa Linggo, Agosto 7.
Ayon sa Civil Service Commission (CSC), nasa 125,000 o 84.9% ang kukuha ng professional exam, habang ang nalalabi ay sa sub-professional exam.
Isasagawa ang naturang pagsusulit sa 67 testing centers sa buong bansa.
Paalala naman ni CSC Chairperson Karlo Nograles sa mga examinee na basahing mabuti ang examination announcement number 10 na nakapost sa CSC website, para sa mga requirements.
Mahalaga rin ang pagsusuot ng face mask, ID, vaccination certificate kung nabakunahan na at RT-PCR o antigen test kung hindi pa.