Isinailalim na sa state of mourning at calamity ang munisipalidad ng Pilar, Camotes Island matapos lumubog ang M/B Nirvana na ikinasawi ng mahigit 60 katao.
Ang deklarasyon ayon kay Pilar Mayor Jesus Fernandez ay bilang pagbibigay respeto, pakikiramay at pakikidalamhati sa mga naulilang pamilya.
Ipinalalagay din sa half mast ang lahat ng mga watawat ng bansa sa nasabing munisipalidad.
Kahapon ay naiuwi na ang 36 na labi sa pilar na kabilang sa death toll kasama na rin ang ilang survivors.
Tiniyak ni Fernandez ang pagbibigay ng financial assistance sa pamilya ng mga nasawi gayundin sa mga survivor.
By Judith Larino