Nakapagtala ng magkasunod na lindol ang bahagi ng Basco, Batanes.
Unang naitala ang Magnitude 5.2 na lindol dakong alas-9:53 sabado ng gabi at nasunod ng Magnitude 4.4 na lindol dakong ala-1:57, madaling araw ng linggo.
Namataan ang lindol sa layong 44 na kilometro na may lalim na 8 kilometro at tectonic ang origin o pinagmulan nito.
Ayon sa PHIVOLCS, naitala ang Intensity IV sa Basco, at Mahatao, Batanes; Intensity III sa Ivana, Uyugan, at Sabtang, Batanes; at Intensity II naman Itbayat, Batanes. —sa panulat ni Angelica Doctolero
