Busy umano si Manila Mayor Isko Moreno sa pagtugon sa COVID-19 pandemic.
Ito ang reaksyon ng alkalde matapos maglabas ng show cause order ang Department of the Interior and Local Government (DILG) dahil umano sa bagsak na grado sa 2018 anti-drug abuse council.
Iginiit din ni Moreno na siya ay naging alkalde ng Maynila nuong 2019 at hindi 2018 sa halip ang nakaupo pa aniya nuon ay si dating Manila Mayor Joseph Estrada.
Dagdag pa ng alkalde, magagawa naman ng DILG ang gusto nilang gawin kahit sila ay magsampa pa ng kaso laban sa kaniya ay wala namang makapipigil.
Wala rin naman umanong balak si Moreno na pahingiin pa ng tawad sakanya ang DILG para sa inilabas na show cause order.
