Posibleng maging madugo ang internal cleansing ng Philippine National Police o PNP sa mga susunod na linggo
Ito ang babala ni Senior Superintendent Romeo Caramat Jr. na siyang napiling bagong hepe ng CITF o Counter Intelligence Task Force na tumutugis sa mga police scalawags.
Sa panayam ng DWIZ, sinabi ni Caramat na kung manlalaban ang mga aarestuhin nilang kapwa pulis, titiyakin nilang hindi sila ang unang tutumba.
Aminado ang opisyal, na lubhang delikadong targetin ang kanilang mga kabaro lalo’t armado at praktisado sa pakikipagputukan ang mga ito.
Gayunman, nakikiusap na rin si Caramat sa nga tiwaling pulis na magbagong buhay na ngayon kaysa malagay pa sa kahihiyan ang kanilang sarili at pamilya.
Si Caramat ay naging hepe ng Bulacan PNP na siyang isa sa may pinakamaraming napatay na drug suspek sa kampanya kontra droga ng administrasyon.
Uupong bagong hepe ng CITF si SSupt Romeo Caramat na dating hepe ng PNP Bulacan.
Sa panahon ni Caramat, isa ang Bulacan sa mga lugar na may pinakamaraming napatay na drug suspek sa ilalim ng kampanya kontra droga ng pamahalaan. | via @JonathanAndal_ pic.twitter.com/45SK0G78Xy— DWIZ Newscenter (@dwiz882) June 5, 2018
—-
