Umakyat na sa 22 ang bilang ng nasawi dahil sa pananalasa ng super typhoon Rolly.
Batay ito sa pinakahuling datos ng National Disaster Risk Reduction And Management Council (NDRRMC).
Samantala nasa isang daan at animnapu’t lima naman ang bilang ng mga nasugatan at 3 pa rin ang patuloy na nawawala.
Ayon sa NDRRMC, naitala ang nabanggit na casualties sa bahagi ng Bicol Region, Calabarzon at Mimaropa.
Umaabot naman sa 128 siyudad at munisipalidad sa regions 5, 8, CALABARZON at MIMAROPA ang nananatiling walang suplay ng kuryente.
