Ikinatuwa ng Malakaniyang ang lumabas na survey ng SWS o Social Weather Stations kung saan, nakakuha ng very good o positive 48 na net satisfaction ratings ang gubyerno sa paghawak ng krisis sa Marawi City.
Ayon kay Presidential Spokesman Harry Roque, magsisilbi itong inspirasyon para sa mga sundalo at pulis para ipagpatuloy ang kanilang misyon na protektahan ang bansa mula sa anumang bantang pananakop ng mga terorista.
Kaugnay nito, inamin ng AFP o Armed Forces of the Philippines na nananatili pa rin ang banta ng terorismo sa Mindanao kahit pa napulbos na nila ang Maute – ISIS group na limang buwang nanakop sa naturang lungsod.
Ayon kay AFP Spokesman Maj/Gen. Restituto Padilla, hindi sila magtataka na may mga lulutang na bagong grupo ng mga bandido sa Mindanao dahil sinusuportahan ang mga ito ng mga dayuhang terorista.