Ibinabala ng National Union of People’s Lawyer ang posibleng delubyo sakaling magdeklara ng nationwide martial law si Pangulong Rodrigo Duterte.
Ito’y sa kabila ng pagtitiyak ni Defense secretary Delfin Lorenzana na napaka-layong mangyari na ipatupad na rin ang batas militar sa buong bansa.
Ayon sa NUPL, noong una pa man ay tutol na sila sa martial law sa Mindanao maging ang mga pagtatangkang ipatupad ito sa buong bansa dahil magreresulta lamang ito sa mga pag-abuso ng mga awtoridad.
Magugunitang ibinabala ni Pangulong Duterte na maaari siyang magdeklara ng martial law kung mag-uudyok ng kaguluhan ang mga makakaliwang grupo sa pamamagitan ng paglulunsad ng rebelyon at malawakang kilos protesta.