Inihayag ng Department of Agriculture (DA), na nasa P725.2-M ang halaga ng pinsala at pagkalugi sa sektor ng agrikultura bunsod ng pananalasa ng bagyong Agaton.
Ayon sa da, aabot sa 17,925 na ektarya ng lupain sa Western at Eastern Visayas, Zamboanga Peninsula, Soccsksargen, at Caraga ang pinadapa ng bagyo.
Apektado naman ang nasa 19, 424 na magsasaka matapos masayang ang 41,580 metrikong tonelada ng iba’t ibang produkto kabilang na dito ang Palayan, Maisan at high value crops.
Dahil dito, magbibigay ng tulong ang DA sa mga apektadong mangingisda at magsasaka kung saan, mamamahagi sila ng bigas, mais, iba’t ibang klase ng gulay at mga gamot.
Pero ayon sa DA-Disaster Risk Reduction and Management Operation Center, subject to validation pa ang datos dahil inaasahang madaragdagan pa maitatalang pinsala ng bagyo sa naturang sector.
