Naaresto na ang umano’y drug queen na si Lovely Adam Impal matapos isinagawang buy bust operation ng PDEA o Philippine Drug Enforcement Agency at PNP o Philippine National Police sa Iligan City alas-dose ng tanghali, Enero 18.
Ayon kay Iligan City Police Director Sr. Supt. Leony Roy Ga, nasa kustodiya na ng Cagayan De Oro City –PDEA si Impal.
Nakuha mula kay Impal ang P5,000 mark money, apat na malaking sachets at siyam na medium-size sachets ng shabu.
Noong nakaraang taon, sumuko sa PNP si Impal matapos isiwalat ni Kerwin Espinosa na ito ang supplier niya ng droga at kalaunan ay pinalaya rin dahil walang kasong nakasampa laban sa nasabing drug queen.
By: Meann Tanbio / Jonathan Andal
