Na-‘friend zoned’ nga ba si Enrique Gil ng on-screen partner na si Liza Soberano?
Ito ang tanong ng marami sa mga follower ng LizQuen loveteam dahil sa tila laging tinatawag na ‘friend’ ni Soberano si Gil.
Ngunit sa kanyang twitter posts ay nilinaw ni Liza ang mga naglalabasang isyu.
Nagtanong ang aktres kung masama bang tawaging best friend niya si Enrique at maraming taong nagagalit.
Idinagdag din niya na hindi naman ibig sabihin na kapag tinawag mong bestfriend ang isang tao ay ‘friend zoned’ na agad, aniya maaari pa naman itong ma-develop.
Sa mga nakalipas na interview kay Soberano ay inamin nitong crush niya si Gil.
Aniya, hindi mahirap na magustuhan ang aktor at sinabing close sila nito. Idinagdag din niya na masayang maging crush ang iyong best friend.
Kasalukuyang magkatambal ang dalawa sa primetime series ng ABS-CBN na Dolce Amore.
By Aiza Rendon
