Maaari nang pakinabangan ng mga local tourist sa Philippine Children’s Medical Center ang libreng Covid-19 swab test simula bukas, Nobyembre 1, 2021.
Ito’y kasunod ng pag subsidize ng Tourism Department sa pamamagitan ng Tourism Promotions Board (TPB), sa lahat ng swab test bilang parte ng kanilang hakbang na pasiglahin ang turismo sa bansa.
Kabilang sa mga kwalipikado sa programa ay ang mga turista na mayroong kumpirmadong transportation at accommodation bookings sa isang DOT-accredited establishment.
Samantala, nilinaw naman na aabot lamang sa 350 ang aplikasyong tatanggapin kada araw.
Para naman sa application requirements ay magtungo lamang sa website ng tourism promotions board.
