Simula sa susunod na taon, libre na ang hospitalization ng mga maghihirap na Pilipino.
Inihayag ito ni Health Secretary Paulyn Jean Rosell-Ubial sa kanyang pagbisita sa Integrated Provincial Hospital Office sa Maguindanao.
Ayon kay Ubial, tinaasan ang budget ng kagawaran kaya’t masasakop nito ang pagpapaospital ng mga mahihirap.
Idinagdag pa ni Ubial na nasa good financial standing ang DOH makaraang bayaran ng Budget Department noong Nobyembre ang arrears na aabot sa P32-Bilyon mula sa P42-Bilyong pagkakautang ng PhilHealth.
By: Meann Tanbio
