Sinupalpal ng aktor na si Jake Ejercito ang dating girlfriend na si Andi Eigenmann.
Kaugnay ito sa pahayag ni Andi na walang puso si Jake matapos nitong maghain ng joint custody petition para sa limang taong gulang nilang anak na babae na si Ellie.
Ayon kay Atty. Ferdinand Topacio, legal counsel ni Jake, walang katotohanan ang akusasyon ni Andi na tinatatangkang kunin sa kanya ang kustodiya ng anak.
Hindi anya dapat idaan baligtarin ni Andi ang istorya sa pamamagitan ng kanyang mga publicity maging ng mga post sa social media partikular sa Twitter.
Iginiit ni Jake na hindi dapat magpanggap na biktima si Andi at dapat ding iwasan nito ang paninira sa pamilya Ejercito.
Maka-ilang beses na rin anyang lumapit ang kanilang pamilya sa panig ni andi sa kahit anong paraan.
Bandang huli, inihayag ni Jake na may karapatan siya sa kanilang anak ni Andi at umaasa na mareresolba ang issue sa korte.
By Drew Nacino
