Viral ngayon sa social media ang larawan ng isang ina na tila tinuturuang manigarilyo ang kaniyang anak.
Makikita sa larawan ang babae na sinusubuan ng walang sinding sigarilo ang batang tinatayang humigit kumulang isang taong gulang.
Kasunod nito, isa pang larawan ng batang babae na may nakasubong sigarilyo sa bibig ang kumakalat din sa social media.
May mga nakasulat na kataga o caption ang nasabing larawan na nagsasaad ng pagiging kakaiba at liberal na magulang sa kaniyang anak.
Sinubukang tukuyin ng website na When in Manila sa Facebook ang pagkakakilanlan ng nag-post ng larawan ngunit bigo sila.
By Jaymark Dagala
