Pinagbibitiw sa posisyon ng isang grupo si Department of Labor and Employment o DOLE Secretary Silvestre Bello III dahil sa umano’y pagkakasangkot niya sa katiwalian.
Ayon sa grupong Samahang Pagbabago National Movement for Change, nangingikil si Bello sa employment agencies para sa kanilang lisensya.
Nabatid anila kasi ang reklamo ng Azzizah Manpower International Corporation kung saan umabot sa 6.8 milyong piso ang hinihingi umano ni Bello sa pamamagitan ni Undersecretary Dominador Say upang maaprubahan ang lisensya ng kanilang ahensya.
Samantala, mariing itinanggi naman ito ni Bello.
Sinabi ng kalihim na halata sa affidavit na isinumite ng complainant ang pagdawit lamang sa kaniyang pangalan dahil hindi naman siya umano ang direktang tinukoy na nanghingi o tumanggap.
—-
